الأحد، 29 أبريل 2012

رمز الانسان


رمز الانسان

يا سامعي اضحك .. وغرد بالالحان 
وخل الامل يبقى ..وتبقى الاماني


خل الامل .. يبقى على مر الازمان
 وتلقى مكان .. ان ضاق فيك المكاني


ارفع حجاجك .. لا تطمن وتنهان 
ولاتسايرها .. ظروف الزماني


دام الكرامة صعب تحفظ وتنصان
 ماهي حياة .. الا .. رضيت الهواني


كرامة الانسان .. هي رمز الانسان 
واليا ارخصت .. لو عشت .. تبقى تعاني


دام الوطن جافي معك .. دور اوطان
 .. ولا تعيش الذل لو .. هو ثواني


لو ..فالوطن لك ذكريات وخلان 
وناس .. غلاها .. عايش فالمحاني


هذي سفينة نوح .. للوضع عنوان
 بكره تبيتحكي لقاصي وداني

وضع على الله .. والرجاء بعالي الشان 
اللي علم في مالقيته .. وجاني


هو وحدة اللي عالم بكل ما كان
 وهم على بعض المواقف حداني


اللي وهب ملكه لعبده سليمان
 ويوسف مبدل وضعه بوضع ثاني


ربي ولا غيره .. وانا عندي ايمان
 في رحمته .. والا ..نسوا .. ما نساني


"هذه قصيدة وداع للوطن باحثاً لاحقاق الحق مجاهداً وفاء لأمي واخواني واختيي يرحمهم الله"

حفيد الجدين 

هناك 6 تعليقات:

  1. مساء الخير
    الدنيا مشوار طويل فيها الصعب وفيها السهل وفيها المستحيل
    السهل أنك تلاقي احد يجرح فيك
    الصعب أنك تلاقي احد يحس فيك إذا كنت متضايق
    المستحيل أنك تلاقي أحد يمسح دمع عينك ويبيع الدنيا ويشتريك
    وحنا للأسف الدنيا غربتنا من يوم ما الأحباب راحو
    غربتك انت ابتدت يوم وفاة والدتك الله يرحمها
    وغربتي ابتدت يوم وفاة ابوي الله يرحمه
    انت قدرت تمشي
    مصيرك ترجع للوطن
    على رأي أبوي " الصبر زين في مقضاه أثنين تكسب جميل وتاخذ الحق وافي"
    ان شاء الله حقك بتاخذه وترجع للوطن
    تحياتي

    ردحذف
  2. مساءالخبر
    انا بدايتي ماهي بعد وفاة الوالده الله يرحمها ومعلوماتك غلط اخوي انا بادي من اكثر من 4عقود ومن بداية فهمي للوضع وهذا انا ولله لحمد وقفت على روؤس ناس الدون والحقد والحسد والافعال والاقوال اللي تسيطر على نفوسهم المريضه وكنت ولازلت وبفضل ربي دايسها وفاضحها والوطن ماهو اسماء ولا اشخاص رحلت منه او رجعت له هو للجميع وغصب عن الجميع والصبر انا ولله الحمد صابر 6 اخوان وامي الله يرحمهم ومحاولات مستمره لتصقيتي واسكاتي واذيه لاحبائي واصدقائي واستحواذ علنب على اموالي واملاكب وشركاني وكلها مازادتني الا صبر مل منه الصبر نفسه وراح ابقى الين الله يقدر مايشاء بلا تنازل ولاخضوع ولاخنوع وكلي امل ورجاء باالحق العدل الجبار الواحد الاحد

    ردحذف
    الردود
    1. اخوي ابو فيصل عندك حساب بالاستقرام

      حذف
  3. الله يعينك وتأخذ حقك وان شاء الله يرجع لك حقك

    لكن اذا انت امير وما قدرت تأخذ حقك من باب اولى انا المواطن اكل شحم واستريح

    ردحذف
  4. اي والله ونعم من هالابيات الحلوة ...وصدكني احلى ما فيها ذكرك لله دائما ..وترى والله العظيم الي يتوكل على الله ما يخيب ...بس المهم والاهم انتظار الفرج وترى كلها الحياة اختبار من الله وان ضاق الصدر والهم احنا بشر نخطا ونصيب نقوى ونضعف حتى دائما مردنا لله وان اخذ منك اخ تركي او منا اقسم بالله العلي العظيم سوف يعوضه بالدنيا والاخرة ...(اليس الله بكاف عبده)...ابقى على ترديدها وسترى ما يسر خاطرك ان شاء الله..Reem..

    ردحذف